Mehdi HYSENI : Vargje satirike

 

EMRAT - KARAKTERET!

Emrin e ka Besnik

t'i besosh, vështirë

të pretë n' besë e ikë

aspak keq pa u ndier.

Emrin e ka Besë

besë s'mund i zënë

mashtrimin e ka ves 

sy në sy të rrenë. 

Emrin e ka Fitim

jeton veç me hua 

hyn borxh pa pretim

pa pasë kah më i la!

Emrin e ka Fitore

me fitua nuk fiton

leku i rrëshqet dore

me humbje jeton.

Emrin e ka Bashkim

shtinë pyka e përçarje

në mbrëmja e agim

rinohet kur ka ndarje

Emrin e ka Shqiptar

e Shqipërinë e urren

e shanë atë pandarë

sa herë gjen teren.

Emra shqip e më vlerë

të bukur me shumë peshë

po s'u puqën me karakter

më mirë fare mos t'i kesh.