Sunday, November 19, 2017

Agim GASHI - Vargje satirike

Agim GASHI
NASTRADINI NË RROJTORE

Nastradin Hoxha
duke u rruar te një berber,
– nga brisku i topitur
shumë kishte vuajtur një herë.

Nga dhëmbjet gjatë rrojës
si zihej vendi ven’ ,
n’atë kohë afër rrojtorës
shumë bertiti një qen.

Nastradini i tha berberit
rrojës s’po ia dishe renin,
po dile e shih për jashta
mos po e rruajn dhe qenin!

 

“HOXHE”- FALLTORI

Njera thote s’po i besoj burrit
– po dyshoj ne tratheti ,
“hoxha” i thotë nuk ka faj burri
– mëxhi t’kanë bërë motra e ti’.

Tjetra thotë nuk mund te fle
s’i mbyll syte sa është nata ,
ke të “bame”- i thotë hoxha
t’ka bërë mëxhi i thote kunata .

Tjetri thotë se në biznis
nuk më shkojna punët mbarë,
nuk ke fai – i thotë hoxha
– mëxhi t’ka bërë fqiu i parë .

Hallexhinjët presin në radhë
– para derdhin si ujë në deti ,
hoxha hallet nuk po ua hjek
por po i prish edhe mes veti.

Nuk ka njeri pa probleme
– nuk ka njeri përpa halle,
zgjedhjën kërkone brenda jush
asgjë nuk zgjedhët me falle…!

 

TALLAVA SHTET

Tallava në ndertim
tallava n’infrastruktur,
tallava në punësim
tallava në kulturë.

Tallava në jetë
tallava në muzikë
tallava në rrugë
tallava n’politikë.

Tallava në fshat
tallava në qytet,
tallava në shkolla
tallava n’Universitet.

Tallava në punë
tallava në poezi
tallava në Komunë
tallava në ministri.

Mos u brengos m’thotë
një ditë- axha Met,
se dhe vet Kosova
është tallava shtet !!!

 

KOHË E PAKOHË

Jetojmë n’kohë te vështirë
jetojmë ne kohë – pa kohë,
se i shkon fytyra
askush s’e ka dro’ !

Kush s’mendon për nder
veq xhepat si me i mbush,
– del femra në rrugë
gji e kërthizë n’fushë.

spini është bërë patriot –
patrioti është “bërë” spiun,
populli merret me politikë
politikani s’shihet askun’ !

Intelektuali në shtëpi
analfabeti në pushtet,
punëtori – pa bukë
hajni pushon në det !

Vlerat në fund te pusit
antivlerat në sipërfaqe ,
mburrën te pafytyrët
që edhe ata kanë faqe !

Dashuri s’ka në zemra
– janë mbush plot inat ,
nuk kanë bukë për darkë
– shtëpit në shumë kat .

Shpesh më vije t’shajë
dhe të mallkojë jetën,
sepse në këtë rrëmujë
më s’po e njoh as vetën!!!

 

KUSH JEMI NE…

(I shkruaj këto vargje i mllefosur
shpirt e zemer i sakatosur)

Ne ndër shekuj ishim pa nda’
Qengj për ukun – ujk për vëlla!

E kanë thënë t’vjetrit drejtë
– Lisin e çky’n pyka e vet.

Ka pas thënë një plak i mirë
E kem vështirë te jetojmë t’lirë

Se jemi mësuar nën robëri
– Me na ndejt gjeraqina mbi kry’

Kur një vëlla del i parë
Ne e shpallim vet tradhtar.

Me ndërskamëza e ngatërresa
Ia shtrojmë rrugën me pengesa.

Andaj kam dro’ dhe frike
– Larg jemi të dalim n’dritë.

Se si po shihet jemi hala –
Qengj për ujkun – ujk per vëlla!!!



 "PATRIOTI" ME BATERIA...

Sa i urtë që ishe
Në sistemin komunist,
Bubrrecat si shkelje
Ishe - pacifist!

Kishe punë te mirë
Me meditje e rroga,
Për te tjerët qe vuanin
Nuk të dhimbte koka.

Tash je bërë i zëshem
Tash je bërë i gjallë,
S'le kend pa e kritiku
S'le kend pa e sharë.

Je ber (b)analist
Je bërë dhe poet,
Harron kush ke qen
Te duket vehtja mbret.

Tash ke nderruar gëzofin
- je bërë patriot,
Veq ti ke të drejt
Mendja ty ta thotë.

Shpejt do t'griset gēzofi
Se s'qendron gjithë jetën,
Kot ,s'i gënjen tjerët
- E gënjenë veq vehtën!!!

Antaly,24.09.'17



 JETA NDËRTON SHKALLË...

Dje kishe mundësi
Te ma zgjatje dorën,
Kur me lis në shpinë
- Mezi qaja borën.

Pak te dukej ajo
Me doje te ngrirê,
Por që do se jeta
S'plotëson çdo deshirë.

Ah jeta...
Kësaj i qofshim falë,
Me perpjetëza e tatpjeta
- Ajo mbaron shkallë.

Tash që ke renë poshtë
- Të është ndalë rrota,
çdo gjë t'duket mbrapsht
Mbrapshtë t'sillët dhe bota.

Por unë s'jam si ti
Më dhimbsesh si je katandisë,
Se nuk është e lehtë
Më ra prej lartësisë.

Ate që thotë zemra
Ma thotë edhe goja,
Unë do ta zgjas dorën
- Kur te jetë nevoja!!!

Antaly 22.09.'17

Thursday, June 15, 2017

LIRI LOSHI : KAJKË PËR ISA BEGUN

Liri Loshi
Isa beg ty po t'thirrë nana
Hiç paleta e nishana
Ka ardhë koha për pixhama
Shko te shpija të pasta nana
S'un i çon ma barrtë e rana
S'mahet shpia me cuklana.

Ka ardhë koha more Isë
Meremet me i ba shpisë
Se nuk mahet gjithë me pyka
Në tana anët i ka hi pika
Me nalë Isë rrenë e trika
Me lanë shpinë në djem e qika
Me ia hapë udhën rinisë
Që me i dhanë drejtim partisë.









Ngo more Isë, të pastë nana
Me nejtë nalt shumë po t'kana
Mullarit tan iu ka marrë ana
Fryen ni erë e rrxohet sana
Edhe vetë munesh me u vra
Qysh je kanë nuk bahesh ma!
Dorzo çelësa, vula, nishana
Se te dera po t'pret drama,
Isa beg me hajr e mrama!

Saturday, June 3, 2017

Hamdi KURTI : JARANI I PITES

Hamdi Kurti
Është njëfar jarani i pites
Ta bën mjegull në pikë të ditës
Ta bën ditën njëzet vjet
Hiq pa e pyetë - përgjegje të jep

Të trullosë me dokrra të thata
Me dërdëllisje mban ligjërata
Fjalët e tij nuk zënë kund vend
Për bisedë nuk lëshon kurrë rend

Lavdin gjithë e ruan për veti
E krekoset si gjel deti
S ’ i pëlqen mendje e askuj ’
Çdo bisedë e bën rrëmujë

Që ta bindësh - e ke kot
Harron nesër ç ’ ka thënë sot
Është ky far jarani i pites
Pshtjell e rren në pikë të ditës

Edhe petulla pjek nga krundet
Lëmsh çdo gjë e bën sa mundet
Kur hidhërohet – nxehet prore
I nxjerr fjalët – krejt bashktingëllore

S ’ e ka dert për besë e nder
Shpifës , shtinës- krejt përnjëherë
I ka të thata tru e kokë
Largon shokët – kërkon shokë

Nuk e din , i gjorë fatziu
Se pa shokë nuk vlen njeriu
Nuk ka të meta trupi i tij
Është lëkurëbardhë , por faqezi

E bash ky jarani i pites
Qyqe e natës - hut i ditës
Këcen pa vend , si zorrë në prush
Dhe murriza shet për rrush

E ka qerren me dy biga
Lehë pas njerëzve me karriga
Kur s ’ ke derte , në farë t ’ i vnon
Në paç pak , dhjetëfish t ’ i shton

Bashkë me të n ’ e bëfsh një ditë
Te psikiatri shko në vizitë
Për prapësi e për dredhi
Çdo dreq këtij ia ka lakmi

E kush sherrin e ka lojë
Thaja Zot gjuhën në gojë
Kush ,, i keq ’’ i thotë të mirit
Thaja Zot bebëzat e syrit

Punës së keqe kush i thotë mirë
Nxija Zot jetë dhe fytyrë
Punës së mirë kush i thotë keq
Hupe Zot e merre dreq

Wednesday, May 24, 2017

Faruk TASHOLLI : KËNGË PËR KOKËN LEGJENDARE TË MILAIM ZEKËS

Faruk TASHOLLI

(Parodi alla Naimiane)
Në mes këmbësh kam qëndruar
Dhe tash jam duke festuar,
O unë këmbëvë nuk iu tutem-
Në mes tyre me zjarr futem.
Kur unë rri nën hije këmbësh
Kush më thotë se kam bërë faj,
A nuk tha vetë Naim Frashëri:
„Të më shkeli këmbë ë saj!“
Pse çuditeni kur mes këmbësh
Unë me qef i kaloj orët,
Aty shekujt i paluan,
Gjenralët, perandorët...
Veç një burrë kishte Kosova
Që për këmbë nuk është moslisë,
S'hiqte tirq Brahim Hallaqi
Gjeneral i virgjërisë!
Le të thotë kush çka të dojë
Në mes këmbësh do të tretem,
Unë jam kokë e Milaimit
Si legjendë dua të mbetëm.
Ka shumë burra rrenacaka
Në mes këmbësh me kokë t'robit,
Ditën dalin me kravata
Për t'i ndarë fatet e kombit.



Saturday, May 13, 2017

Anekdota nga Adem Ademi

Adem ADEMI
OOO KU MET DRITHI BRE ?!

Një kusheri nuk ka qenë punëtor i mirë, e ka pasur një arë afër malit të cilën e kishte mbjellur me grurë e nuk e kishte thurur mirë. 
Kishin hyrë dhitë e një fqiu e ja kishin ngranë kallinjët e grurit. 
Kur fillon me e fshi grurin, shtrega kishte shkuara në gjystë e ende nuk ishte mbushar as një thes me grur ! 
Kusherini bëhet merak së po e rrjedh grurin maqina fëshiesë dhe po e qonë në kashtë, apo në byk, dhe fillon me bertitur:
- Ooo ku met drithi bre ?! 
Një Rrahimi i kishte pa dhitë shpesh në arën e tij, i thot:
- Drithin e kanë hangër dhitë e Dibranit, ditë për ditë janë hy në arë. Nuk je në humbje veq ti o kojshi, në humbje asht edhe maqinëxhia që po fshinë kashtë e nuk ka me marrur kokërr të ujemit.


EU POBRATIM BRE !

Njëherë një familje kishte qenë në hasmëri me një familje tjetër dhe iu kishte ndërprerë besa. 
Një mashkull i familjës që ishte në hasmeri me familjën tjetër duhej të shkonte të një mik dhe e thërret pobratimin me e përcjellur në menore dëri të miku. 
Vie pobratimi dhe nisën bashkë, tue shkuar rrugës e pyet pobratimin:
- Allahile bre pobratim me ba e me na dal hasmi çka banë?
Pobratimi i thotë : - ja nisi e kajë !
Eu pobratim bre ! - unë të thirra për burr të fortë e me qinrue, së për me kajtë e vajtue, i kam dy motra e një nanë, kanë me kajnë ato, që gurë e dru kanë me i shti n'gjynah 


TI JE NIP I XANËVE TË POLACIT

Një herë në një dimer të ashpër e me shumë borë, kishte dalur axha Hasan në oborr dhe e kishte pa rejën evetë tue u përpjekur me i nxjerrur drutë në tubën e druve në oborr që i kishte nxënë bora dhe nuk mujke me i nxjerrur. 
Vetë plaku ishte shumë i moshuar dhe e dinte së nuk mundet me i ndihëmue, andaj hyn në odë dhe i thot djalit:
- Dil bre bir e nimoi grusë tane, së ish tue u munue me i nxjerrë drutë me ndezë zjarmin e shtëpisë me gatue e nuk po mujke.
Djali , për tu mahitur me babain i thot: 
- Babë, e ti a i ke nimue nanës tëmë najherë me nxjerrë e me shkurtue dru ?
Jo bre bir, së unë jam nip i mehoviqe të Prekazit ju kam ga dajëve, ata nuk bajnë punë të grave ! 
Ti je nip i xanëve të Polacit. Xantë edhe me i pa dikush kah i bajnë punët e grave nuk ja u sheh për të madhe. 
Qu shko e nimoj grusë, nxirri drutë e shkurtojë.


EDHE SOT MOS PAQ KU ME E SHTI 
                 ( Për orët e vona)

Nëvitet tetëdhjeta i mësoja vajzatë e rritura nëpër BL të Skënderajit në ushtrime ushtarake dhe në ditën e funfit i dërgonim për të gjuajtur në shejë me pushkë me municion të zjarrtë.
Isha duke i mësuar vajzatë e BL të Klinës së Epërme dhe për të shkuar deri të popligoni i gjuajtjës në Zmiq (lokalitet në mes Skënderajit dhe Mitrovicës) i dërgonim me autobus.
Vërtetë autobusi ishte i mbushur për plotë me vajza dhe disa ishin ulur edhe në haubën e autobusit (lloj i vjetër i autobusave) dhe tue udhëtuar, shoferi i autobusit po u thotë vajzave që ishin të ulura mbi haubë: 
-Shtynu bre vajza ma nej se nuk pa kam ku me shti qitë farë (mendoi për ndërruesin e shpejtësive).
Unë e kisha afër një vajzë e cila ishte e lirë në bisedë dhe i thash ngadale për të mos me ndëgjuar shoferi, thuaj:
-Edhe sot mos paq ku me e shti, kurrë në netën tanë nuk ke me e shti ! - ajo ju drejtue ashtu si e mësova. 
Kur e kuptuen vajzatë tjera, filluanë me qeshur, gjithashtu edhe shoferi u skuq, me qe nuk e kishte thënë me qellim dhe ishte tepër serioz .


ME VINTE INATI ME HETUE SË E KAM NDËRPRE GREVËN E URISË

Kishin shkue në mal me marrur dru djemtë e axhës Asllan. Ngarkojnë shumë dru dhe tue ardhur rrugës u thehet qerrja. 
Kur e kupton axha së e kanë thye qerrën hidhërohet shumë sa që, nuk kishte ngranë darkë edhe pse e lutin shumë. 
Dikur natën e merr urija dhe shkon ngadale në shtëpi me kërkue të gjejë diçka për të ngranë. 
Nuk e ndez as dritën, dhe nëpër terr tue kërkue rrëxon diçka e bëhët zhurë dhe e ndëgjon djali i tij Limani. Zbret me të shpejtë për të shique kush ka hy në shtëpi pas mesit të natës, kur e shef së është ai, i thot: - çka po banë o babë kështu nëpër terr ?!
Po lypi diçka në mujsha për të gjetur, së jam pak uni e nuk po me merr as gjumi . 
Me ndëzur dritën thash po me shifni e me vinte inati me hetue së e kam ndërpre grevën e urisë.


KE KUJDESË E MOS E TEPRO 
---- a n e k d o t ë ----

Pak vite pas Luftës së Kosovës, shkova të një i afërm i imi dhe duke biseduar me pyeti për djalin e tij me të cilin jetonim në të njejtin qytet në Gjermani, së për afërsisht sa i ka të ardhuratë mujore, unë i tregova.
Me tha: - e paska rrogën e madhe, është dashtur mem dërguar më tepër pare !
E pyeta sa po të dërgon? - me tha nga 500 marka për çdo muajë.
I thash: - mjaftë po të dërgojëka !
Qysh more boll 500 marka, rrogën e paska 3.000 marka ?!
Unë ia tregova shpenzimët duke filluar nga qiraja rreth 1.500 marka, këto 500 marka që t'i dërgon ty për çdo muaj dhe të tjera shpenzime, por nuk bindej dhe kërkonte që unë të ndikoja për të ia rritur dërgesën mujore së paku në 700 marka !
Atëherë ia tregova anekdotën:
Një i varfër kishte kërkuar gjithëmonë prej të tjerëve.
I varfuri një ditë e kishte takuar një njeri të mençur dhe e pyet: 
- pse jam kaq i pa fat dhe me shkoi jeta tue lyp ?!
I mençuri e kishte dërguar të disa qeshme të cilatë nga i njejti burim rridhnin ujë ndryshe: disa më tepër e disa më pak, kurse njëra rridhte fare pak ujë, dhe i thotë: 
- ky është fati yt, nuk ke fat më tepër.
I varfëri mendoi dhe pas një kohe këthehet të qeshmëja, e merr një shkop druri e shtin në vrimën e gypit të qeshmës për të hapur rrjedhën e ujit më tepër. Shkopi i thyhet në gyp, mbyllet gypi i rrjedhës së ujit të qeshmës fare !
Pastaj unë i thash: - ke kujdesë e mos e tepro, së po e mbyll edhe këtë rrjedhë të ujit sado që po të duket pak. Më mirë le të rrjedh kështu, së po e mbyll krejtë si ai lypesi.
I afërmi edhe pse ishte bukur lakmiçae kuptoi dhe me falendëroi për këshillën e dhënë përmes kësaj anekdote dhe u pajtua me 500 markatë që i vinin rrregullisht për çdo muaj deri sa ishte në jetë 

Thursday, December 1, 2016

Dromca humoristike nga Imri Musliu

Imri MUSLIU
UNË NUK MIRRNA ME THANJE T’HUJA!

Njani kish pas thanë:
-Ngoni vllazën, se du m’jav thanë ni fjalë!
-Ani valla, se edhe na kemi me t’ngu-i kishin thanë t’pranishmit.
-Ma keq se me bajtë kryet për s’rani, nuk ka sen n’kët dyjâ!
-A e ke lexu naj kun këtë thanje, a ta ka thanë dikush?
-Jo bre vlla! Unë flas pi përvojës! Nuk mirrna me thanje t’huja!


MOS U BAN BUDALLË ME NGU GJITHKANIN! 

-O babë! A po ninë shka paska pas thanë Naim Frashëri? 
-Jo bre bir, rrenë ashtë! 
-Pse rrenë? Ti as çi prite me t’kallxu shka ka thanë! 
-Nuk kam shka me pritë o bir! Ti pe sheh shka po ju bajne t’gjall’ve, tu ju veshë turli far flale, e s’po ja veshin Naim Frashnit çi ashtë i dekun e nuk munet m’i çitë n’rrenë! Mos u ban budallë me ngu gjithkanin, po kapju punës e hiqju llokopenlave!


ZOTI I VRAFTË QË NUK E KTHYNË VEÇ EDHE NJË HERË KOMUNIZMIN!

Bâjshin muhabet dy vetë. E livdojshin komunizmin, e folshin keq për kohën e re.
-Eeee more vlla, po lezeti çi a kanë k’tyne here! Unë nuk kum ditë as shkrim as lexim, po kurrë nuk ka mujtë me m’mashtru kush, se na mbrojke partia. 
-Shka ke punu ti bre vlla?
-Unë kum shprazë rezervara t’nevojtoreve me kofe. I mush’shim kazanat e mdhaj edhe i çitshim n’ara t’zadrugës* për m’u ba bereqeti. Ni mujë i musha 35 voza, e shefi m’i çiti dy ma pak, po masi u ankova, mujin tjetër m’i shtunë dy voza. Ka pasë drejt’si at’herë!
-Po bre! At’herë as mutin nuk mujshin me naj hangë se nuk lejojke partia, e tash po na hanë me tesha veshë, he Zoti i vraftë çi nuk e kthynë veç edhe niherë komunizmin!


FTOFTË PËRFUNI E FTOFTË PËRMÎ!

Zateten dy shokë n’udhë.
-Pse je kaq mazun? Mos t’ka ikë autobusi?
-Jam mazun se jam fukara! Fukaraja nuk munet me kanë i g’zushëm, se nuk kam bukë me çitë n’sofër!
-Çfarë fukaraje more?! Krejt Kosova fle n’dukat, e ti po thu jamë fukara!
-Ooo, e di që jamë tu fjetë n’dukat, po nuk po kam me shka m’u m’lu as shka me shtru! Ftoftë përfuni e ftoftë përmi, marova!


REÇETA GJERMANE, HARXHI JEM!

Mixhës Asllan i kish ardhë djali pi Gjermanie, me gjithë nuse. Nusja ish kanë gjermane, tu ardhë për herë t’parë n’Kosovë. Masi bahen disa ditë, çohet nusja me përgatitë ni drekë.
-Unë nuk di me gatu si ju n’Kosovë, po n’bazë t’reçetave gjermane-i kish thanë mixhës Asllan.
-Ani oj bi! Unë po shkoj n’xhami, e kur t’kthehna e shoh shka na ke bâ për drekë.
Kur kthehet, I sheh dy pula krye për krye n’tepsi, do oriz t’përzimë me spanaq, do voe përmi, edhe e vetë plakën:
-Oj plakë! Ku e mur nusja qet harxh?
-I prejtëm dy pula tonat, orizin e kam pa rujtë n’fllanik, spanaqin e blejtëm prej bahçes s’kojshisë, edhe t’lynin e lopës e voet ja dhash pi fllanikit!
-A qesaj pi thojkan reçetë gjermane a? Harxhi jem, reçeta gjermane! Unë kujtova çi na ka pru nusja najsen pi Gjermanie, se për qeshtu, kurrë falë mos i kofsha-ish ba tim mixha Asllan!


PO DORËN E RANË E PASKA PASË AI THI!

Djali ankohet te baba:
-O babë! 
-Hoja!
-M’rrehi Kadria!
-Qyshë t’ rrehi bre bir?
-Valla me shuplaka!
-Ti kallxom qyshë, se ashtu veç me fjalë nuk pe marr vesh!
Djali ish kanë i trashë prej menje, e t’ja futë shuplakë babës sa munet! Baba, masi kfjellet pak, kish thanë:
-Eu bre, po dorën e ranë e paska pasë ai thi! T’paska sakatu!


SA T’NXENË ÇAJI I FTOFTË, QAQ T’NXEJNË LIVORET E DRUVE!
-Ish viti 1964. Kisha nî që Rizah Bllaca punon n’Kombinatin e Drunit ‘’Tefik Çanga’’ n’Ferizaj, edhe thash t’shkoj e ta shohë. E zateta ni rojtar edhe e veta, ku muj me gjetë Rizah Bllacën, po ai ish kanë serb e m’tha:
-Aaaa! Onaj shto peva sa qitelijom-edhe bani me dorë kah u dashke me shku.
-Shkova edhe e gjeta. Ish kanë t’i qiru do trupa e tu ja u hjekë livoret me nifarë hjekësi.
-A ti je Rizah Bllaca a? Shka ban ti me k’to livore-e veta?
-I Çoj n’shpi edhe nxehna me to!
-Qyshë more me u nxehë njeri me livore-u çudita!
-A ke pi najherë çaj t’ftoftë-m’tha?
-Po-ja ktheva!
-Sa t’nxenë çaji i ftoftë, qaq t’nxejnë livoret e druve-ma kthej, sikur me pas ditë ni ditë përpara, se shka kam pasë me vetë!
E tregoi: Sadik Sadiku, Ferizaj, 2016

Saturday, April 23, 2016

"Letrat si këtyne herësh"me komente nga Sabit Abdyli

Sabit Abdyli

1.
Tixhe e dashun,
Sot mora guximin me të shkrue dhe me të thanë se të due shumë, shumë. Dje mbas dreke të pashë tue shkue te kroni. U kënaqa me atë ecjen tande me kërrname e serbez, era si e ftonit në vjeshtë të vinte kur kalove... Ah, sa më rrahu zemra fort!  Bile të prita te bërryli i parë i udhës derisa u ktheve, nuk të dola përpara se thash po na shohin. A të pëlqej sapuni misk dhe mindili që ta çova? Kam me dal këto ditë në qytet me u fotografue te “Foto Beça” dhe  kam me ta dërgue fotografinë. Boll po tutna po ta gjen nana. Fotogafinë tande natën nën jastëk e mbaj, ditën e marr me veti. Shkrujmë menjiherë se mezi po pres!  Letrën lema te dardha e kuqe, mes degëve të saj.
Të fala shumë e ambla jeme si sheqer!

2.
E jemja Tixhe,
U gëzova që e kishe gjet letrën teme. Boll jam tut se mos ndoshta qukapiku e ka marrë se përditë në trup të dardhës po qukat.  A e trokovate patiskën, a po të dalin pejt, fitilat e mnashit, rrotllat me kllapadan? Mos u lodh me ato oja t’shamijave, tentene se kurrkush nuk ta di. Goditi nëpër shoqe se tybe nji dinar që të më bjen në dorë, ty kam me ta çue. Mbramë e dëgjova bushin, (babës bush i tham) tuj thanë nanës se kësmet dasmën po e bajmë qat herë kur ta shtim bereqetin brenda dhe ta mbjellim grunin. Bijat tonat e t’kojshive nji javë ditë përpara kem me i marrë, krejt katundin shpi për shpi kem me i thirr, dy ditë s’kem me i nal tupanet. Me erdh marre kur nisën me fol për dasmën tonë dhe u çova, po në cep të dritares e vuna veshin dhe dëgjova çka folën.  Dje të pashë kur kapërceve te Trina e vogël me kasnak në dorë, që ta kam pas ble në Shkup. Drejt me t'thanë, zemra bum, bum m'bani. Baci ta kish ble maqinen SINGER në Austri, kish me prue tash kur të vjen për pushime.  Me hesap e kanë porosit edhe sahatin e dorës me ta ble atje
 Të fala shumë e ambla jeme si llokum!

3.
E jemja Tixhe,
Fotografitë i mora sot.  A po më rrika mirë kravata e kuqe e setra e zezë, që m’i dha syretxhia  veç sa me u fotografue?  Qesi  kravate e setre kam me i thanë bacit me m’i ble për darsëm. Të pashë atë ditë kur dole prej hallës tane me shkue te shpia. Flokët duej tuat t’i çojë era si fije mnashi fu-fu! Thash, me ditë Tixhja, që po e shoh edhe asaj ju kish dridh zemra si mue. Më humbe para sysh!  Flokët mos gabo me i pre e shti n’struj, veç dredhi pak përpara kur t’bahesh nuse. Bushi me nanën  kësmet javën tjetër po shkojnë n’Prizren me FIAT të bacit Riza me t’i nxjerr teshat, tesha që s’ka me pas asnjë nuse  si tuat këtu pari. Me erdh marre me i pyet a e kanë masën tande me ta ble unazën, këpucët, papuçet, dorëzat e bardha, kollanin e këmishën e dredhët.  Nashti e lanë me fjalë në rast nevoje me i ndërrue.  Prapë po të thamë, mos i jep zor me qëndisë   bashllika e cingli mile tjera se po lodhesh!   Bane gati masën e teshave (mate atë mjedisin e hollë që e ke dhe naltësinë e trupit si selvi) se bushi (baba) ka me ardh me marrë këto ditë. Teshat po donë me ti kep në Shkup te qajo maqinxhika e njoftun.
T‘fala shumë, syzeza jeme llokum!


4.
Tixhja jeme e bukur!
Letrën tande sot e mora. Po mirë e kishe vizatue dorën! Dorën të trash e t’butë si bukë furre.   Hyn ma thellë nën hajat të odës kur po del me qëndisë se po të nxin dielli. Unë ashtu qysh je e bardhë të due. Krejt kanë ra me fjet, unë për dritë të llomës po t’shkruj.  Gjumi më ka ik.  Mendja veç te ti po më rri.  Arkat e  teshave bushi i ka nreq me dru qershie. All të kuqe e pak si me do vija të zeza kanë dal. Nji e dridhme ma përshkoi krejt trupin, kur lexova në letrën tande se jam ma i miri në botë. Edhe unë Tixhe, po të baj be, në tokë e qiell, se je ma e bukura  prej krejt çikave të botës. E bardhë si tamli, flokët  mnash deri në bel, buzët qurshi vishnje, sytë terr të zi, gojën mjaltë e trupin e drejtë qiri.  Bile edhe dada Salë të lëvdoj e të çoi n'hava, jo veç për bukuri. Foli shumë, po unë prej turpit dola jashtë. Zhig me mbeti që nuk e dëgjova deri në fund, dadën.  Erdh gati vjeshta. Ihaaaaaaaa!
Të fala me thes Tixhja jeme e bukur!

5.
Tixhja jeme e shtrejtë,
Dje bushi në pazar i ka ble dy mëzet për darsëm. Ju kemi blue bungur me i trashë edhe ma shumë. Edhe dajtë sigurisht pa dy desh bakshish nuk vijnë. Le të ketë mish, tha bushi, se djalin po e martoj. Njime Tixhe, njiherë martohet njeri. Këqyr ruju, kur po e kapërcen qat vigun te përroska e vogël tuj shkue me mush ujë Te kroni  se boll telhyxhe ish me rrëshqitë! Hajt pashë Zotin, çka po të çojnë veç ty me mush ujë!? Dje i thirri çikat e mahallës nana.  Gjithë mbas drekën në shtatë kojshi u ndegjue kanga e defi,  e kanë kallë krejt.  Zemra mal m’u ba! Mos harro, këtyne çikave me ju qëndisë naj mindil a shami se valla e meritojnë. Javën tjetër kem me i marrë bijat. Le të dihet se po afrohet dita e dasmës.  Baci, ta kish ble sahatin e dorës, kurrë qesi sahati nuk kam pa, në vend të rrypit kish nji zinxhir bojë ari edhe natën po mujshe me pa sa asht ora. Të hanën që shkoi, qat here  kur u lëshuen fëmija prej shkollës, kalova aty pari, po nuk t’pashë. Deri sa nuk shihej ma shtegu kah kalon ti, kryet mbrapa e mbajta. Drejtën me ta thanë, helm u bana. Mbramë, në andërr  të pashë sikur zbrite prej kerrit me fustan të bardhë.  Unë diqysh ardhsha drejt teje, por prej kallaballakit  nuk munda me tu afrue. Hiç mirë nuk asht me pa në andërr kallabllak njerëz.  Mos po te del nja idhnim ty se për veti nuk e kam gajle!
Shumë, shumë të due Tixhja jeme e bukur!

6.
E dashuna shumë, shumë Tixhe,
Unazën me guri të kaltër veje në gisht se boll po tutna po të marrin mësysh.  Kanën, për ditën e kanës, e ka porositë nana nji grue me prue prej Turqisë.  Bash has kanë.  Mos u ban budall me kajt shumë kur ta ngjesin bojën. Këtu mbramje për mbramje mblidhen çikat e mahallës nën hajt të shtëpisë dhe po kënaqen tuj ra defit, këndue e tuj hedh valle deri natën vonë. Bushi ka ble fenerë në Shkup, krejt oborrin dritë e bajmë. Bile nana  gatujti  kollpite për darkë dhe zjeu  shtalba. Sot kesh te terzia n’sheher me i pre teshat për darsëm. Kurrë kësi stofi të mirë nuk kam pa, tha terzia. He bacoo, i thash, stof kanger asht, ma ka ble baci n’Austri.  Mbas nji jave kam me shkue prapë. Tamam qat here para darsmës  bahen gati. Letrën teme  ish kanë për pak tuj ta zanë nana. Nashti nuk të kish thanë gja se edhe ajo e re u kanë si ti. Kallëzom serbez nëse të duhen pare se, helbete ke qef me ble naj sen. Fotografinë tande nuk pata qare pa ua dhanë çikave me pa. Motra e vogël dreqi u kish kallëzue. Me rend e këqyren të gjitha. Mbetën pa mend e pa gojë tuj ba:  ua, au,  çfarë sy paska, çfarë flokë, çfarë bukuroshe...!  Prekne hundën, ju thash, tuj kesh, se po i merrni mësysh. Ajkuna e bacit Dan m’kallëzojë që t’kish pa tuj e marrë nji yrnek te kunata e saj. I lumi ti, tha, çfarë nuse ke me marrë! Ajkuna deshi me fol hala po hyni bushi dhe ajo i nali fjalët.
Tixhe, zemer të kam!

7.
Tixhe e dashun,
Edhe nji javë dita e darsmës. Krejt trupi po më dridhet.. . edhe nji javë po vjen, ah Tixhe, Tixhe...!  Boll ma, boll , dy vjet nën unazë, dy vjet larg, dy vjet me letra tuj i shkrue e lexue tinza (shyqyr kjo e fundit), dy vjet pa gjumë e merak për njeni tjerin, dy vjet sa te bërryli i parë, sa te Trina e madhe me t’pa.  Miqtë e katundin shpi për për shpi i kem thirr, bijat i kem mbledh para nji jave, kerret, kuajt e seksanës, bajraktari që tash dihen, tupanët i kem porositë. Bile edhe grat e kerrit janë caktue. Kazanat,  enët, sofrat, turshit, djathin, gazin për fitilaqa, llampa e fenerë i kem sigurue. Magjetoret në sitë të hollë po e sitin  miellin, t’hollojnë peta për pite e bukë nore. Konaqet, hyzmeqarët  te gatshem jane me ja nis punes. Teshat  i mora dje.  Mbramje për mbrëmje po mbyllna në dhomë dhe po i veshi me pa qysh po m‘rrinë. Të mira valla. Hajt se të dielën mbrama ke me pa edhe vetë sa të mira janë.  A e ke çel arkën e teshave. I pashë kur i paluen nana me hallën Nurkë. Ani shtinën edhe dy-tri grushta sheqer gurë në arkë. Ti e mirë, teshat e mira, ke me ua kalue krejt nuseve të kësaj ane edhe ma larg. Të shtunën nisin me ra tupanet, dy parë tupane! Të nesërmen krushqit kah dreka mbërrin te ti.  Dhe ty,  mbasdreke bushi (baba) ka me të zbrit prej kerrit t’kuq. Ah, sa kisha dashtë unë me t’zbrit, po ...!   Daja Trim e baci kanë me qit me allti bam, bam me paralajmërue se erdh nusja. Të hanën para dite Tixhe dajallarët, nipat e njerëzit e shpisë kanë me thye kulaçin. Ke me dal te bunari pak ma vonë, tuj të këndue çikat. Ju ka thanë nana, nuk due me ma sha e ranue me naj fjalë nusen, po edhe t’shajshin ti mos u ban merak se qashtu i provokojnë krejt nuset.   Mbas dite mblidhen grat, nuset e çikat. Tash po e marrë me mend dhe po të shoh në rend të nuseve, ti e para dhe ma e mira se krejt.
Tixhe, loçkë, shpirt e zemër t’kam!


Komentet e lexuesve për "Letrat si këtyne herësh"

Hasan Rashit: 
Sabit avash avash po i vjen fundi letrave te mira per,Tixhen.Behu gati kur fillon te venitet dashuria per Tixhen.Projektoje qe te gjitha keto fjale te embla te kethehen ne diqka neveritese per Tixhen.

Joni Neljon :
Tixhe, loçkë, shpirt e zemër t’kam!..........dhe une ty kabash te kam gjithçka, je shqipe për qiell, luan për tok,kabash ....

Besnik Gashi-Drenica :
Ju lumt i nderuar miku Sabit Abdyli !
vertet kur lexoj letrat e juja knaqem ...vetem suksese e mos u ndal...edhe kur Tixhes do i lind djal... !
Shkruaj e na i sjell ne FB,
te gjitha do i lexojm te baj be.
Ani kur te del Tixhja me fshi...
e pastaj kur te dergojn ne kojshi,
shkruj e mos e ndal,
edhe kur te dergojn te t´vetit me kal.
respekt miku i nderuar...Pak shaka per t´ju relaksuar,
ju vet e dini se çka me shkrue,
nuk ka nevoj askush me ju msue...hahaha

Fahrije K. Kllokoqi :Me keto fjale prof sa po e shoh ua ke mush mendjen edhe nganher me u martue ketyne miqve tu!..... Te pergezoj e te uroj edhe shume letra tjera për Tixhen!.....

Miki Tahiri :ah, profesor si gjithnje me keto shkrimet tuaja i kaloni gjithe mrekullite....gjithnje me respekt te vecante...

Agim Drenica :Sabit miku e lexova dhe rilexova disa here letren derguar nga i dashuri Tixhes dhe u kenaqa.Një letër qe pos humorit ka edhe shume ane tjera qe e kompletojne letren.E ndertuar shume mire artistikisht nga pena Juaj e madhe me nje mjeshtri te hollë sjell tek lexuesit e te gjitha moshave diçka te veçant.Tek ne me te moshuerit nostalgji dhe kujtime nga ajo kohe kurse tek ma te rinjet nje pasqyre te realitetit te viteve te shkuara.Letrat qe i shkruani Ju jane unike dhe si te tilla sjellin tek lexuesi ndjenja te perziera qe i pershkon nje humor i gershetuar me satirë,elemente keto qe per lexuesin behen me te kapshme dhe shume te kendshme per t'i lexuar.Mik i dashur iu uroj shendet dhe suksese.T e lumtë pena!

Ariana Sefiu :Sa do doja ti pertrinim traditat e vjetra martesore,, sot ka humb lezeti dasmave,i mbaj mend si e vogel,bile dje kem pas temen e kanagjegjeve me shoqeri,,bash tash kur duhet ti tregojm turisteve adetet tona te bukura,,,ishin dasma se Jo kopje!!! Ju uroj prof per punen si gjithe knaqesi lezimi!!!

Ardita Sahiti :TA KISH LON ZOTI PER NEJRZIMIN DY JETRA 1 PERVOJ E TE DYTEN JET .........KISHIM MESUE SHUM PREJ KETYRE LETRAVE .....FAHRIJE EDHE TRI HER TASH ME U MARTU SE SKA KESO DASHNIJE QYSH KA PAS PER NJE Tixhee.....

Nexhat Etemi :Ev ev e per merak na kënaqe kejt o dajë, menzi po e presmi letren e 8 te radhes se jam be aq kureshtar sa z'di me ta pershkru. Hahahaha tung dajko.

Aziz Hyseni :Tash Tixhes si shkruan kush më, përpos në FB.

Fitim E. rmadani :secili varg me i kandshem se tjetri
perher me pelqejne
duket qe dasma na qenka ofru.....ju ,o miku jone, o gjeja edhe nje nuse tjeter k'ti, ose shtyje vaden se nuk duam te na perfundosh me k'to letra

Mirvete Kabashi Leku :U kenaqa me letrat tua i nderuari kusheri . Po qesha me lot nga komenti i Hasan Rashiti . Letrav i erdhi fundi por, shpresojme qe edhe më, do na shkruajsh dhe te na tregosh se si kalon me Tixhen, ha ha haaa. Vertet kenaqesi ishte me leximin e ketyre letrave .Shpresojme qe do ket edhe ndonje mbrenda asaj jave deri e ke sjell ne shtepi ndoshta i ke shkru ende .

Arbenita:te lumshin duart o profesor se na knaqe me kto letra bile edhe babuqi qetu asht tum ngue e un tu i lexu te prsh shum un e babuqi vetem koha ne kosov po iken shum shpejt spo i shoh ditet fare hiq

Halil Xani :motra qante se po shkonte nuse. I thanë të vëllait të saj, pse nuk po qan edhe ti, po të martohet motra. Jo valla nuk qe pikë loti. Edhe ato motrat tjera kinse qajshin kur shkuan, por edhe duke qeshur. Më pëlqeu letra sikur të gjitha të tjerat mik i nderuar Sabit.

Enver Halili :Prof pasi shkoj nusja e ngjiti Kanen,Tash veje kapak me nje permbledhje te tyre ,te letrave,qe ti kemi per shumeeee mote e shume gjenerata...te pershendes...

Ariana Sefiu :Me padurim vazhdimin,, sa lakmi te marr prof i nderum!! 
E pash qe Vullneti ish ardh me nuse, sa mvje mire, klm te gjithe,te fala!!

Mirvete Kabashi Leku :I nderuari kusheri , sikur ta botoje nje liber me keto letra ? Apo ndoshta e ke te botuar e une nuk e kam ? Së tepërmi kënaqem me leximin e tyre . " Ketu mbremje per mbremje mblidhen qikat e mehalles.. " Nostalgji per vitet e kaluara , per traditat tona ...

Sevdije Gjonbalaj :Profesor i nderuar z.Sabit Abdyli të falemnderit për këtë shenim mjaft të bukur dhe real këtyne herë, me bëri të qeshi me zë përkujdesja e dhëndrit ku thot,,Unazën me guri të Kaltër veje në gisht se boll po tutna po të marrin mësysh,,i gjith shenimi ishte per mrekulli, prandaj të uroj jetë të gjatë dhe mëndjendritur me pënën tuaj të pashterrshme, shëndet e gjithë të mirat..Suksese të mëtejshme..

Myrvete Mehmeti :Si gjithmonë profesor shkrimet e tua plot domethënje. Letrat e Tixhes shpalojn anën e mirë të realitetit të sotëm që mungon te letrat ''Funny story''. Të lumt!

Nexhat Etemi :Per merak keto letrat e ketu njeherit''

Nazire Jaha :EDHE ATHER PASKA PAS LETRA DASHNIJE!!! CUCUCU UNE KISHE TYNEHER SKENI DIT QKA ESHTE DASHNIJA!!! HEH SHUME BUKUR ME BERI SHUME ME QESH KJO LETER SI TYNEHER I NDERUAR SABIT FLM PER TOG

Fitim E. Ramadani :i lexoj me shume k'naqsi...shume te bukura 
flm miku jem

Mexhid Luzha :mire i thurre keto tregime miku Sabit me fate Bajramin klb

Nexhat Etemi :eeeeeeeeejjj bre dajko keso far letra dashurije, na paraqesin nje pasterti ndenjash te asaj kohe,nje mallengjim per ate kohen,e" ketyne heresh",tung

Ardita Sahiti :nuk e di perveq profesorit a ka shkrujt dikush tjeter kso letra me plot dashuri ne ate koh !!

Fitim E. Ramadani :je i madh ,miku jem... 
njeher te pergezoje per pune te mrekullushme dhe per IDE-n qe pate ,pastaj kam ndermend edhe te te urdheroj...mos mu ndal kurre !
Ardita Sahiti tash ska dashuri si ktyne heresh e ska as shkrime as letra GJITHQKA FALLC nkoh t'sotit !!!!!

Hasan Rashiti :Sabit,mos harro tju perkujtoshe me shkri nje zhive qe mos ta kape dore e lige,Tixhen hahahahha te pershendese

Miki Tahiri :Profesor i nderuar, per te komentuar shkresat Tuaja s´ka nevoje koment pos fjales MREKULLI....gjithmone me nderime e respekt...M.T. PS: jeni unikat....

Enver Halili :Prof e mrrekullueshme,edhe fjalori edhe pershkrimi i Kohës,Kem pak nostalgji për fjalorin e asaj kohe sikur ka pas një origjinalitet më të fuqishëm se sot,ndoshta jam gabim,po edhe me gabu eshte njerezore....pershendetje prof...

Bajram Bllaca :TE LUMTE SHENDET PROF!

Myrvete Mehmeti Lum ajo Tixhe qé i shkruhen kèso letrash qé nuk ngjajn nè letrat e sotme tè robotéve elektronik. 
Vec ti di me shkru keshtu. Urime!

Joni Neljon :kalle kabash kalle.olalaaaaaaaaaaa sa e fort.

Ramiz Kabashi Kosova :hahhahha shume leter me kerrname prof tlumt hahahah i paska ardh marre pi dades . a sot qikjo marrja spi qet jasht mo hahhahah,pershnetje prof .

Hasan Rashiti :Te lumte,Sabit jo veq per permbajtjen e letres,por edhe pershkrimin e idiles se fshatit.Shume bindes andaj po na bane ta lexojm shume hera.
Dita Dita 
Zhig me mbeti.....shume e bukur!

Agim Sahiti :Te lumte daja Sabit,me te vertet kaloi ajo kohe ku letrat kane qene me vler dhe permbajtje qe je knaqur duke i lexuar tani asgje prej letrave nuk dergon kush letra as kartolina tashti dashuria e fjalet e mira qe done tia shprehesh dikujna me kompjuter e laptop edhe ate pi kopjojn prej dikujna tjeter Copy-Past.

Agim Sahiti :Vetem se daja Sabit mos me pas kan kjo teknologji e sodit qe ti po i poston keto shkrime te bukura nuk kishim mujt me i lexu.

Mevlan Sadiku :Edhe pse po jetojm ne kohën e komunikimit masiv internetit kem mundesi per shum alternative te dergimit te letrave por, kjo leter e ktyneherit ka me shum nostalgji se keto te tanishmet.
Ramadan Musliu 
he more sabit na ki perkujtue nje kohe kur ishim te rinje hahaaaaaaaaa

Enver Halili :Prof ,përshkrim ideal,ngjallje e fantazise e realitetit te kohes,por koha ka pesue shume ndryshime,por kjo nostalgji eshte e pashlyeshme per gjeneratat...tani llokumi eshte zavendsue me cokolatë....

Drita Bekteshi :Prof i nderuar...ia ke dhene ngjyren si dikur, qe i ngjante dashurise...jo si sot...vetem per benefite takohen njerezit...jemi ne degjenerim e siper sa i perket nocionit dashuri...falemnderit per keto pak rreshta me aq kuptim te forte...shendet!

Shaip Bllaca :FLM,miku im,shumë bukur.!

Mirvete Kabashi Leku :I nderuari kusheriri im Sabit Abdyli ,sa nostalgji na sjellesh me letrat e asja kohe . Kështu ishte , pa u takuar, me letra percillej ajo dashuri e madhe, e çiltert , e padjallëzuar. sa mirë do t`ishte sikur këto dashuri të kishin fatin e bashkimit por, ishte e keqja se, po të hetoheshin , pa mëshirshme ndeshkoheshin duke i ndarë e derguar në fatalitet të një martese të padashuruar . Sidomos për vajzat ishte denimi i rëndë se, gjeja kishin ber turpin e madhë dhe për t`iu hakmarrur i martonin për një plak . 
Falemndertit për kënaqesinë e leximit që na sjell por edhe lotët nuk na mungojnë...

Seveme Fetiqi :I bashkangjitem komentit te mikes Mirvete Kabashi Leku...Shume tekst nostalgjik!

Hasan Rashiti :Sabit,qe po na kethene shume mbrapa.Por aq bindeshum je ka na e pershkruan sa qe na ka kape Nostalgjia per te hershmen se tani nuk po ka lezet....hahahha te pershendese

Enver Halili :Perfekt prof,po si si ke harru se....

Fitim E. Ramadani :shume origjinale,te lumt miku jem

Mirvete Kabashi Leku :Aq origjinale, aq e kendshme sa te mallemgjen shumë . Vetem ata ,ato qe kane kaluar atë kohë e ndjejne ne shpirt këtë leter . 

Bediha Muhaxherka :Sa shume emocione me sollen keta rreshta.......Aq shqip keni shkruar miku Poet, sa nuk ka vend fare hic per t.komentuar.......Ju persh. dhe pergezoi

Enver Halili :Një letër e bukur dashurie e kohës prof...të përgëzoj..

Ardita Sahiti : bashke me letren mora edhe dardha ,,,edhe shyqyr qe cukapikthi nuk e kish pa letren se ne trung te dardhes e pash 

Shaip Bllaca :Te pergezoi per ketë shkrim Z.Sabit Abdyli.

Halil Xani :Valla njëmend si ktyne herë. Shumë e bukur. Atëherë ishte interesant ajo koha në mes dy letrave, në mes degësh të dardhës, kurse tash në sekond nderrohen "letrat" në FB. Të lumtë, z. Sabit.

Hyzri Zymberi :E bukur ! leter ashiknie heheh

Aziz Hyseni :Ne vend te parfumëve te sotem - sapunin misk. Eshte e vertete se ne dhurata te ndersjella bente pjese edhe sapuni, ose ai shoqerohej me ndonje dhurate tjeter. Mund te kete mbetur akoma kjo praktikë, nuk e di, por ne Itali, para disa vitesh, u skandaliz..

Shengyle Berisha : nuk e kam mbrri at kohe,kam degju nga te vjetrit,por shume me bukur me duket ateher,e deri diku edhe ne gjeneratat tona,se sa tani,e shkruar bukur,te lumt z. Sabit Abdyli.

Nexhat Etemi :e shkellqyer kjo letra,,,,,dajko te pershendes,

Myrvete Mehmeti :Tashti u ba gjithëcka elektronike jo vetëm letrat po edhe trupat e dardhave. Tashti s'ke nevoj me përcjell Tixhen prej brryli në brryl të rrugës, po ulesh në tavolin të punës edhe e brrylon rrugën prej kaqubës te kaqubja e deri te kroni. Edhe Tixhi është i padukshëm në këtë rast po sikur Tixhja, po cuklat nëpër shkurre tregojn te cila dardhe i len letrat Tixhi. Po bani qëlloi edhe fshati elektronik, atehre rrugtimi eshtë më i vështir sepse të dalin shumë brryle që qojn te më shumë trupe dardhash. Dhe bjen pyetja, cfarë ndodhë me Tixhin po i njdeku Tixhja cuklat që e qojn te dardha e gabume dhe e lexon letrën e Buqës ?! ... sa let bjen dashuria prej sistemi :
Sigurisht që përpara ka qenë më mirë Shegë, ...
Sabit, të lumt mendja që na sjell cdo here tema gazmore. Shumzoje edhe këtë letër si ''letrat e babuqit'' , mos e le me kaq 

Fahrije K. Kllokoqi :Prof,ishalla se ka lexue kete leter Remzia se ka me te ba zoti telash tash ne pleqeri e ke me i la kusuret e rinis .Pom doket prof ju paske ngjallë nostalgji miqeve e mikeshave me ketë leter mos vet........mu po se po.....sa mu ka mush menja me u dashurue edhe njeher ne pleqeri..........O sa kam qesh sot une me ketë leter .........Pergezime prof ........e uroj sa ma shpejt te kthej Tixhja pergjegjen .

Myrvete Mehmeti :Cma kujtove me këtë letër komedin ''ra dashnia prej sistemi''!!!

Antonina Kodheli: HAHAHAHAHAH...PROFESOR,KE XHIRUAR NJE FILM TE VJETER SHQIPETAR ME METRAZH TE SHKURTER. TE FLM. NA KENAQE. A E DI QE NA KISHIN MUNGUAR KETO SKENA?

Isak Ahmeti :Sabit, jane keto rrefejza te mrekulluesheme!Stili,gjuha,permbajtja te mahnitshme...Te pergezoj!

Antonina Kodheli :ME PELQEN KY STIL I LEHTE DASHURIE PROFESOR. ESHTE SHUME NJEREZOR, SHUME FAMILJAR,I BUKUR DHE JETESOR, ESHTE NJE MESIM PER ATA QE EKERKOJNE DASHURINE. FALENI JU LUTEM KETE NDJENJE TE BUKUR, DHURUJANI ATIJ QE I TAKON,NUK KUSHTON FARE

Antonina Kodheli :NJE TJETER AROME FUTE NE KETO LETRA SABIT. NJE NDJENJE TE BUKUR QE ESHTE HARUAR. NA KTHEVE NE KOHEN TONE,KUR DASHURIA RESPEKTOHESHE BUKUR. KETO BEME EDHE NE. ME DUKET SIKUR JAM UNE NE ROLIN E TIXHES...TE FLM PROFESOR

Alketa Qejvani: Oh , cfare dashurie! Si ne perralla. Kaq e bukur , kaq e thjeshte pa komplikime , si drita e diellit ....Kisha kohe pa lexuar nje dashuri te tille ...Komplimente Prof se me tronditi shpirtin. Qiellore kjo dashuri!

Drita Bekteshi :Po kjo "qurshi vishnje" eshte aq pershkrim i ndjenjave te trazuara, sa qe sot nuk i gjen askund me...mjerisht...sot dashuria biznes i majme... 

Myrvete Mehmeti :...të kallzoj unë cka tha dada Salë më tej: '' ... e madhe dhe e zoja, këmbëkryq me u ulë në gjoks të sajë. Edhe një nuse që nuk ta mbush derën e odës tue hy brenda, cfarë nusje është ajo, edhe njime.., cka ka me të vye si ajo qika e Manovite që me një frymë e rrëzon, ruejna zot e dobët si një shpendkeqe dhe kur po e merr kënatën me e mbush ujë te kroni, më e madhe kënata se ajo vetë...

Antonina Kodheli :KETO LETRA BACA SABIT, KANE NJE MAGJI TE VECANTE. I LEXON ME KENAQESI DHE PADASHUR BUZEQESH. KJO ME NDODH DHE ME PELQEN, SEPSE KESHU E KAM MENDUAR QE E VOGEL TE JETE DASHURIA, KAQ E PASTER DHE EBUKUR DHE BURRI TE JETE PO AQ I DHENE PAS VAJZES QE KA ZGJEDHUR, DOMETHENE TE JETOJE VETEM PER SYTE E SAJ. TE FLM PROFESOR. TE PUTH DUART DHE PENEN E ARTE....TE PACIM

Hajrush Sadiku:Baci Sabit flm me kto tregime te Tixhjes me deshire po ju presim per tregimin e radhes deri kur te plaken Tixhja dhe djali idashuruar.

Antonina Kodheli:PROFESOR, KUR TE PARET TANE SHKROJTEN PERLLALLAT E BUKURA ME PRINCER DHE DHE PRINCESHA, ME SIGURI KANE PASUR PARASYSH NJE CIFT TE TILLE.KUR LEXONJA BOREBARDHEN E MBAJ MIRE MEND E VOGEL, QE EDHE UNE DO TE DESHA TE KISHA FATIN E SAJ,PA PATUR IDE CDO TE THOTE MARTESE DHE PRINC.ME TU RRITUR ME BAZE PRINCIN E PERALLAVE DESHA EDHE UNE PRINCIN TIM, DESHA TE ISHA NJE TIXHE, SI TIXHJA E LETRAVE TENDE, TE KISHA NE KRAH NJE DJALE QE TE ME VLERESONTE DHE TE ME SHIKONTE NE SY. LUM NE QE E PATEM KETE FAT TE MIRE. SA TE BUKURA KETO LETRA O SHKRIMTAR I MIRE, SA ME QETESOJNE, SA BUKUR MA RREGULLOJNE DITEN. TE FLM MIKU IM I RRALLE....TE LUMTE PENA PROFESOR

Halil Xani:Keshtu ishte dikur. Sa shume kane nderruar keto gjera. Tash bashkejetesa, (plot ngaterresa), fejesa, lindje pastaj martesa, ne te cilat femijet e tyre mund te shkojne bullak, apo jo?

Fahrije Keasniqi:Si pikture, si film u shfaq gjithe dasma para syve. Sa sinqeritet e ciltersi brenda kesaj letre. Dy virtyte qe kane humbur vleren ne keto kohe. A ka me dashuri te tilla ? Besoj po aq sa gjendet uje ne shkretetire. E lexova, rilexova dhe kam perseri etje per keto rreshta, per te besuar se ekziston nje dashuri e tille. Presim letrat e tjera, Profesor !

Miki Tahiri :eh tixhja e shkrete sa e durushme... tani keto gjerat e letrave etj. nuk lexohen e shkruhen tinza. por si duket kyfar "tinzllaki" eshte ne gjenezen tone shqiptare..sidomos sinqeriteti i shqiptarit eshte me shumice i "tinzavt", ta ben rrafsh para ftyres e mas ftyres zi e ma zi...

Antonina Kodheli : DHE FILMI VAZHDON. SERITE SA VJEN DHE BEHEN EDHE ME TERHEQESE. PREGATITJA E JAVES SE DASMES TE REMBEN, TE KTHEN NE VITET E FEMIJERISE,QE KUR MARTOHESHE DIKUSH JO VETEM SOJI POR E GJITHE MEHALLA,E GJITHE SHOQERIA NDIHMONTE DHE ARGETOHESHE NJE JAVE TE TERE. E DASHUR TIXHE, LUM TI QE NE KETE FILM SIRIAL JE PERSONAZHI I PARE, LUM TI QE DUHESH NDEROHESH DHE RESPEKTOHESH KAQ SHUME NGA NJERIU I ZEMRES TENDE.KUR BASHKOHEN PERPARA ZOTIT DY NJEREZ QE DUHEN SIJU, DASMEN E BEKON E GJITHE SHOQERIA. LE TE PRESIM SERITE E TJERA TE SHIKOJME CFARE SUPRIZA DO NA DHUROJNE. ....PO CBEN KESHTU MORE SHKRIMTAR? LEXON LEXUESI DHE I NGJETHET TRUPI....TE FLM O PENE E VYER. TE LUMTE DORA O PROFESORI YNE. TE UROJ GJITHCKA TE BUKUR NE JETE. JETA TA KA BORXH. TE FLM O MIKU IM

Agim Drenica :Miku im i nderuar Sabit Abdyli , iu jeni "fajtor" me keto letra te shkruara aq bukur,qe shprehin natyralitetin dhe pasqyrojnë kohën tonë (pa internet).Letra te shkruara qe paraqesin naivitetin e kohës te përcjellura me humor te hollë dhe të lehtë ,qe te bën t'i lexosh dhe rilexosh.Letra qe te sjellin nostalgji dhe kënaqësi njëkohësisht.

Musa Jupolli :Fill e per pe paske fol' , pik e per pe nga shpirti paske shkrue letra dashnie, kjo gegnishtja ka diçka qe t'ban me nie shtat' herë zemren me ta "shkrumue", e lumja ti moj Tixhe, nuse e k'tij djali që as gjum nuk ka tuj menue per ty ! 
Miku im, i lexova këto letra të bukura shpirti, të këndshme që pikojnë mjeltë sinqeriteti, shpirt-lirësi në dehje aq të këndshme sa t'merr mallë për atë jetë pa lajka, pa dredhi! 
E gjithë pasuria e këtyre letrave ka një emêr të njëshëm e që quhet DASHURI ! 
Me shumë respekt poetik mik Sabit Abdyli !

Bukurije Bushati :Emocione të shprehura bukur në letra. Njihesh me atë kohë kur martesat ishin me mblesëri dhe ishte fat, kur dy të rinj shiheshin fshehtazi dhe pëlqenin njëri tjetrin. Ndoshta kjo fshehtësi komunikimi, ky këmbim letrash, ua shtonte dëshirën për të qënë pranë, sikur edhe vetëm një past, por edhe tërhiqen se duhej respektuar rregulli, kanuni. MË pëlqeu origjinaliteti në shkrimin e letrave, shfaqja e emocioneve, edhe pse janë vetëm letra nga ana e djalit dhe do të ishte akoma më tërheqëse, në se do të ishin edhe letrat e shkruara nga vajza, për të treguar botën e saj amocionale gjatë fejesës dhe në prag të martesës. Mendoj, se duke u bazuar në këto letra, mundet të shkruhej një roman i bukur, nga një person që i ka përjetuar këto... vetëm ai do të arrinte ta shkruante bukur atë ndjenjë.... Urime autorit të shkrimit të këtyr