Mehdi HYSENI : Vargje satirike

 

EMRAT - KARAKTERET!

Emrin e ka Besnik

t'i besosh, vështirë

të pretë n' besë e ikë

aspak keq pa u ndier.

Emrin e ka Besë

besë s'mund i zënë

mashtrimin e ka ves 

sy në sy të rrenë. 

Emrin e ka Fitim

jeton veç me hua 

hyn borxh pa pretim

pa pasë kah më i la!

Emrin e ka Fitore

me fitua nuk fiton

leku i rrëshqet dore

me humbje jeton.

Emrin e ka Bashkim

shtinë pyka e përçarje

në mbrëmja e agim

rinohet kur ka ndarje

Emrin e ka Shqiptar

e Shqipërinë e urren

e shanë atë pandarë

sa herë gjen teren.

Emra shqip e më vlerë

të bukur me shumë peshë

po s'u puqën me karakter

më mirë fare mos t'i kesh.

Agim GASHI - Vargje satirike

Agim GASHI

NASTRADINI NË RROJTORE

Nastradin Hoxha
duke u rruar te një berber,
– nga brisku i topitur
shumë kishte vuajtur një herë.

Nga dhëmbjet gjatë rrojës
si zihej vendi ven’ ,
n’atë kohë afër rrojtorës
shumë bertiti një qen.

Nastradini i tha berberit
rrojës s’po ia dishe renin,
po dile e shih për jashta
mos po e rruajn dhe qenin!

 
“HOXHE”- FALLTORI

Njera thote s’po i besoj burrit
– po dyshoj ne tratheti ,
“hoxha” i thotë nuk ka faj burri
– mëxhi t’kanë bërë motra e ti’.

Tjetra thotë nuk mund te fle
s’i mbyll syte sa është nata ,
ke të “bame”- i thotë hoxha
t’ka bërë mëxhi i thote kunata .

Tjetri thotë se në biznis
nuk më shkojna punët mbarë,
nuk ke fai – i thotë hoxha
– mëxhi t’ka bërë fqiu i parë .

Hallexhinjët presin në radhë
– para derdhin si ujë në deti ,
hoxha hallet nuk po ua hjek
por po i prish edhe mes veti.

Nuk ka njeri pa probleme
– nuk ka njeri përpa halle,
zgjedhjën kërkone brenda jush
asgjë nuk zgjedhët me falle…!

 
TALLAVA SHTET

Tallava në ndertim
tallava n’infrastruktur,
tallava në punësim
tallava në kulturë.

Tallava në jetë
tallava në muzikë
tallava në rrugë
tallava n’politikë.

Tallava në fshat
tallava në qytet,
tallava në shkolla
tallava n’Universitet.

Tallava në punë
tallava në poezi
tallava në Komunë
tallava në ministri.

Mos u brengos m’thotë
një ditë- axha Met,
se dhe vet Kosova
është tallava shtet !!!

 
KOHË E PAKOHË

Jetojmë n’kohë te vështirë
jetojmë ne kohë – pa kohë,
se i shkon fytyra
askush s’e ka dro’ !

Kush s’mendon për nder
veq xhepat si me i mbush,
– del femra në rrugë
gji e kërthizë n’fushë.

spini është bërë patriot –
patrioti është “bërë” spiun,
populli merret me politikë
politikani s’shihet askun’ !

Intelektuali në shtëpi
analfabeti në pushtet,
punëtori – pa bukë
hajni pushon në det !

Vlerat në fund te pusit
antivlerat në sipërfaqe ,
mburrën te pafytyrët
që edhe ata kanë faqe !

Dashuri s’ka në zemra
– janë mbush plot inat ,
nuk kanë bukë për darkë
– shtëpit në shumë kat .

Shpesh më vije t’shajë
dhe të mallkojë jetën,
sepse në këtë rrëmujë
më s’po e njoh as vetën!!!

 
KUSH JEMI NE…

(I shkruaj këto vargje i mllefosur
shpirt e zemer i sakatosur)

Ne ndër shekuj ishim pa nda’
Qengj për ukun – ujk për vëlla!

E kanë thënë t’vjetrit drejtë
– Lisin e çky’n pyka e vet.

Ka pas thënë një plak i mirë
E kem vështirë te jetojmë t’lirë

Se jemi mësuar nën robëri
– Me na ndejt gjeraqina mbi kry’

Kur një vëlla del i parë
Ne e shpallim vet tradhtar.

Me ndërskamëza e ngatërresa
Ia shtrojmë rrugën me pengesa.

Andaj kam dro’ dhe frike
– Larg jemi të dalim n’dritë.

Se si po shihet jemi hala –
Qengj për ujkun – ujk per vëlla!!!


 "PATRIOTI" ME BATERIA...

Sa i urtë që ishe
Në sistemin komunist,
Bubrrecat si shkelje
Ishe - pacifist!

Kishe punë te mirë
Me meditje e rroga,
Për te tjerët qe vuanin
Nuk të dhimbte koka.

Tash je bërë i zëshem
Tash je bërë i gjallë,
S'le kend pa e kritiku
S'le kend pa e sharë.

Je ber (b)analist
Je bërë dhe poet,
Harron kush ke qen
Te duket vehtja mbret.

Tash ke nderruar gëzofin
- je bërë patriot,
Veq ti ke të drejt
Mendja ty ta thotë.

Shpejt do t'griset gēzofi
Se s'qendron gjithë jetën,
Kot ,s'i gënjen tjerët
- E gënjenë veq vehtën!!!

Antaly,24.09.'17


 JETA NDËRTON SHKALLË...

Dje kishe mundësi
Te ma zgjatje dorën,
Kur me lis në shpinë
- Mezi qaja borën.

Pak te dukej ajo
Me doje te ngrirê,
Por që do se jeta
S'plotëson çdo deshirë.

Ah jeta...
Kësaj i qofshim falë,
Me perpjetëza e tatpjeta
- Ajo mbaron shkallë.

Tash që ke renë poshtë
- Të është ndalë rrota,
çdo gjë t'duket mbrapsht
Mbrapshtë t'sillët dhe bota.

Por unë s'jam si ti
Më dhimbsesh si je katandisë,
Se nuk është e lehtë
Më ra prej lartësisë.

Ate që thotë zemra
Ma thotë edhe goja,
Unë do ta zgjas dorën
- Kur te jetë nevoja!!!

Antaly 22.09.'17

 

Agim GASHI - Dëshmori i UÇKurit

Agim GASHI

 Agim GASHI

Dëshmori i UÇKurit

- Sa ishte i ri 

Ishin tjera zamane,

Turpërohej prej babe

I vinte turp prej nane!

Mandej hallët e jetës

Kah s'e qu’n bablokun,

S’i ra n’mend për veti

Si ra n’mend për zogun!

Erdhën kohë te reja

E "inspiruan" trimin,

- S'ka kuptim jeta

Pa e ndërru' ushqimin!

Kur i erdhën "mendet"

- Kish kaluar sahati,

Këmba ja mirrte këmbën

- E kish lëshuar takati!

Por kur vendos burri

Për t'u bërë helaq,

E gjënë edhe zgjidhjën

- Gjenë edhe ilaq!

Duke ditur trimi

- hallet e veta,

pak pa hy n'luftë

i pin dy tableta!

Dhe si trim mbi trima

Bjen n'fushë te « nderit »,

Në luftën e UÇKurit

Në një dhomë t’hotelit!

16.06.2022,St.Louis - Francë

Agim Gashi - Kur ta kthyem Kosovë shpinën

Agim Gashi

Kur ta kthyem Kosovë shpinën
hej e hej
O pasurisë ia vunë podinën!

I lam shkret fakultete e shkolla
hej e hej
o krejt rinia iku nga Kosova!

Te kem mbush me pallate
hej e hej
O restorante e markate!

Tu kanë sulë do klysh t'hajnisë
hej e hej
o si dikur klyshet e Serbisë!

Korrupcion po te vjen era
hej e hej
o më ryshfete e tendera!

Shumë jen banë atdhetarë
hej e hej
o shpallen herojt krejt trathtarë!

S'ka kombinate e fabrika
hej e hej
o n'kafene na zbardhë drita!

Ne kërkujt nuk ia kem tutën
hej e hej
me eurokrem e hamë  bukën!

Por Kosovë,mos u tutë
hej e hej
o bahet mirë,kur t'bahet m..!!!

Sevdail Hyseni - Vargje satirike

Sevdail Hyseni

DASMA PA NUSE!

Çështja e Luginës...
Çmallet për çudi,
Nëpër kafet tona
Me meze e raki!

Shpërthejnë opsionet
Me nga një premtim,
Të urta të brishta
Siç thotë në vazhdim…

Fjalë e urtë devollçe:
- Si të bëjmë e si të themi,
Bir, o Muço kokë - demi,
Dasmë bëjmë e nuse s’kemi!


FESTAT E DYFISHTA…

Për Ditën e Mësuesit, Spica me satirë,
Gjendja në arsim, s’është aspak e mirë!

Në qoftë se arsimi, nuk është n’terezi,
Mos prit nga pushteti, të bëjë mrekulli!

Dufi dhe injoranca, të lidhin nga gryka,
Nëse nëpër shkolla, nuk vdes politika!

Reformat n’arsim, janë një dush i nxehtë,
Në mungesë të tyre, lindin analfabetë!

Dhe më pas shoqëria, do ta ketë më zor,
Të na sigurojë, një arsim cilësor!

Me gjitha problemet, nuk mungon urata,
Na nderohen mësuesit, sall me dekorata!

Ndërsa për 8 Mars, Spica me shigjeta,
Veç Mësuesit dhe Gratë, nuk ndihen të qeta!

Ato s’lypin shumë, nga drejtat njerëzore,
E kanë me meritë, barazinë gjinore!

Ndryshimi nuk ndodh, me ca deklarata,
Fuqizimi i grave, vetëm në fushata...!

Nga të gjitha këto, të nxjerrim një mësim:

Pa Nënë dhe pa Mësues, jeta s’ka kuptim!


LUGINA E REFERENDUMIT…

Kur u mbajt për bashkim Referendumi,
Luginën Dardane, thanë e mori lumi..!
Po që nuk e mori, me rrënjët e thella,
Nga se Ariu, s’nxirret dot nga shpella!

Brez pas brezi ruajti gjuhë edhe zakone,
Duke u përplasur, në shumë opsione…
Madje nxori n’treg, emrin e kësaj treve,
Nga Kosovë Lindore, në Luginë Presheve!

Kosova Lindore, nuk matet n’peshore,
As më pak nuk është, sikur zorra qorre,
Njerëzit e kufirit kanë thënë me të drejtë,
Janë si rrathë lakrori, që s’përtypen lehtë!

Le ta dijë Brukseli deri në Serbi,
Edhe ne n’Luginë, jemi kuq e zi.
Kuq e kemi gjakun e zi situatën,
Që kur na ndanë, si dita me natën!

Lugina e Preshevës, shtyhet në agjenda... 
Ajo është vullkani, që zien nga brenda!
Nga flakët e saj ndizet gjithë Ballkani,
Për një plesht të vogël a digjet jorgani?!


(Me rastin e 27 vjetorit të Referendumit të shqiptarëve të Luginës së Preshevës për bashkëngjitje Kosovës, pjesë e pandashme e së cilës ka qenë, gjithmonë, gjatë historisë).


VDEKJA E AKADEMIKUT…

Kur u nda nga jeta, Akademik Idriz Ajeti,
Nga dhembjet me lot, ka qarë Alfabeti..!

Të gjithë germat shqipe, me tinguj mortorë,
E nisën në amshim, "Rrapin Shekullor"!

Pa qarë s’mbet, vendlindja prej Medvegje,
Që ka mbet e ndarë me gardh e me megje!

Këto ndarje u panë, në të pame e n’varrim,
Me një grusht njerëzish, mbushur pikëllim!

Kjo shoqëria jonë, me shumë “detyrime”,
Po si nuk e gjeti, një vend për ngushëllime?!

Gabimet me thasë, i kemi n’praktikë,
A s’na ngeli Noli, me varr n’Amerikë?!


FESTA DHE PROTESTA!

Këto ditë vikendi, proteston Shqipëria,
Kurse në Kosovë, feston pavarësia…

N’vend se shqiptarët të jenë bashkë në festa,
Ata të përçarë shpërthejnë në protesta!

Pa mbaruar dimri, qe “Pranverë Shqiptare”,
Erdh’ me tensione – duket ashiqare!

Fillon me protesta, madje dhe trazira...
Nuk shembet pushteti, me vezë e ngjyra!

Aq më pak e keqja, që fryhet tupan,
E zihet me t’mirën, brenda në kazan!

Lufta për pushtet, nuk mbaron me kaq,
Dhe se zjarr i saj, përvëlon si saç!

Flenë sikur lepuri, me një sy hapur,
Për një pushtet nga krimi i kapur!

Por edhe kur ngjiten shkallëve n’Qeveri,
Sillen si të çmendur, nuk janë n’terezi!

E zhveshin Kuvendin nga vlerat morale,
Duke e zhytur n’aferë e skandale!

Po edhe opozita nuk lë asgjë mangut,
E dehur për poste, kërcen përtej pragut!

Këndej nga Lugina pyesin me t’vërtetë,

Pse kaq shumë shqiptarët, vuajnë për pushtet?!

Besnik Gashi - Drenica : Axha Sefë flet,unë i shkruj vet

Besnik Gashi - Drenica

-I-

Axha Sefë kallxon...

Unë: Mirë se të gjëjë axha Sefë!
Axha Sefë : Mirë se të bjen e mira evlad!
Unë: Axha Sefë, a din me më tregue , a do ta aprovojn ligjin e buxhetit politikanët tanë?
Axha Sefë: E more evlad. Ktynehere i ka pas një penë kije(qe), e copa dojshin me u ba me lop e në mes veti. Por, kur vike koha e taxhis, u rahatoishin. Edhe keta , mos e baj gajlën e tyne. Se aty është puna e taxhisë, evlad. Keta bajn potere për do sene tjera , se për ku është puna e pareve, mos u tut hiq. Se kan me miratue!
Unë: faleminderit axha Sefë, se beso e bajsha gajle mos nuk po e votojn.po puna e ministrit Rikallo qe e shkarkuen , çka na kishe than, a kan ba mirë a keq?
Axha Sefë: Ketu u dasht ma heret me e hjek por, edhe tash nuk është keq. Se perndryshe , as mië as keq. Thi u hjek , e thi u ardh. Veq emni qe ndrron. Thiu është thi axho, si i bardh e si i zi, po edhe laraman n´koft . Po hajt, ditën e mirë se me erdhi koha me e fal drekën.
Unë: Ditën e mirë axha Sefë!
Axha Sefë: Mirë vofsh, e mos e le pa dal apet!

-II-

Axha Sefë kallxon....

Unë: Mirë se te gjëjë o axha Sefë!
Axha Sefë: Mirë se të bjen e mira evlad!
Unë: Unë erdha prapë.
Axha Sefë: Kur te dush , derën çel e kije evlad. Unë vet te kam than hajde ma shpesh!
Unë: Axha Sefë, a po e sheh se ata te Europës, po na kritikojn për ligjin e Trepçës. Po thon se duhet me bisedue me Serbin për Trepçën, çka po thue ti ?
Axha Sefë: Eh, more evlad. Ehe ktynehere kur pleqnoshin , pak ia kan majt krahin gjithë atij te fortit. Edhe pse kapak i kan nimue edhe te ligut. Europa nuk e ka sefte. Ajo edhe atëherë na i coptoj trojet tona . Po ajo është edhe tash. Po nese keta tont mahen bashk , nuk ka fuqi qe munet me i mposht.
Unë: Po qysh po i bjen çikjo , Trepça është në Kosovë, e po kqyrin me ia dhan Serbisë?
Axha Sefë: E more evlad. Njëher njani e kish mjell një arë me kunguj. Kungulli e kish shtre lozën e kish pa dal matan mexhes.E ish rrit një kungull i madh. Kojshija kqyrke me ia marr. Jo ban, jo nuk ban. Vendosin me shkue e me vet te një pleqnar. Kur i tregun hallin pleqnarit , ai i tha: Kjo koka leht . I tha atij qe e kish mbjell kungullin. Shko e ngrehe lozën. Nese loza ta bjen kungullin mrena arës, e gezofsh se i yti është!
Unë: Po çka po don mem thanë me ketë?
Axha Sefë:Po evlad. Trepça rrajët i ka në arën tonë, edhe na takon neve. Po hajt se me erdh koha me shkue me e fal drekën!
Unë : Ditën e mirë axha Sefë!
Axha Sefë:Hajt rruga e mbarë, e mos na harro!

Agim GASHI - Vargje satirike

Agim GASHI

NASTRADINI NË RROJTORE

Nastradin Hoxha
duke u rruar te një berber,
– nga brisku i topitur
shumë kishte vuajtur një herë.

Nga dhëmbjet gjatë rrojës
si zihej vendi ven’ ,
n’atë kohë afër rrojtorës
shumë bertiti një qen.

Nastradini i tha berberit
rrojës s’po ia dishe renin,
po dile e shih për jashta
mos po e rruajn dhe qenin!

 
“HOXHE”- FALLTORI

Njera thote s’po i besoj burrit
– po dyshoj ne tratheti ,
“hoxha” i thotë nuk ka faj burri
– mëxhi t’kanë bërë motra e ti’.

Tjetra thotë nuk mund te fle
s’i mbyll syte sa është nata ,
ke të “bame”- i thotë hoxha
t’ka bërë mëxhi i thote kunata .

Tjetri thotë se në biznis
nuk më shkojna punët mbarë,
nuk ke fai – i thotë hoxha
– mëxhi t’ka bërë fqiu i parë .

Hallexhinjët presin në radhë
– para derdhin si ujë në deti ,
hoxha hallet nuk po ua hjek
por po i prish edhe mes veti.

Nuk ka njeri pa probleme
– nuk ka njeri përpa halle,
zgjedhjën kërkone brenda jush
asgjë nuk zgjedhët me falle…!

 
TALLAVA SHTET

Tallava në ndertim
tallava n’infrastruktur,
tallava në punësim
tallava në kulturë.

Tallava në jetë
tallava në muzikë
tallava në rrugë
tallava n’politikë.

Tallava në fshat
tallava në qytet,
tallava në shkolla
tallava n’Universitet.

Tallava në punë
tallava në poezi
tallava në Komunë
tallava në ministri.

Mos u brengos m’thotë
një ditë- axha Met,
se dhe vet Kosova
është tallava shtet !!!

 
KOHË E PAKOHË

Jetojmë n’kohë te vështirë
jetojmë ne kohë – pa kohë,
se i shkon fytyra
askush s’e ka dro’ !

Kush s’mendon për nder
veq xhepat si me i mbush,
– del femra në rrugë
gji e kërthizë n’fushë.

spini është bërë patriot –
patrioti është “bërë” spiun,
populli merret me politikë
politikani s’shihet askun’ !

Intelektuali në shtëpi
analfabeti në pushtet,
punëtori – pa bukë
hajni pushon në det !

Vlerat në fund te pusit
antivlerat në sipërfaqe ,
mburrën te pafytyrët
që edhe ata kanë faqe !

Dashuri s’ka në zemra
– janë mbush plot inat ,
nuk kanë bukë për darkë
– shtëpit në shumë kat .

Shpesh më vije t’shajë
dhe të mallkojë jetën,
sepse në këtë rrëmujë
më s’po e njoh as vetën!!!

 
KUSH JEMI NE…

(I shkruaj këto vargje i mllefosur
shpirt e zemer i sakatosur)

Ne ndër shekuj ishim pa nda’
Qengj për ukun – ujk për vëlla!

E kanë thënë t’vjetrit drejtë
– Lisin e çky’n pyka e vet.

Ka pas thënë një plak i mirë
E kem vështirë te jetojmë t’lirë

Se jemi mësuar nën robëri
– Me na ndejt gjeraqina mbi kry’

Kur një vëlla del i parë
Ne e shpallim vet tradhtar.

Me ndërskamëza e ngatërresa
Ia shtrojmë rrugën me pengesa.

Andaj kam dro’ dhe frike
– Larg jemi të dalim n’dritë.

Se si po shihet jemi hala –
Qengj për ujkun – ujk per vëlla!!!


 "PATRIOTI" ME BATERIA...

Sa i urtë që ishe
Në sistemin komunist,
Bubrrecat si shkelje
Ishe - pacifist!

Kishe punë te mirë
Me meditje e rroga,
Për te tjerët qe vuanin
Nuk të dhimbte koka.

Tash je bërë i zëshem
Tash je bërë i gjallë,
S'le kend pa e kritiku
S'le kend pa e sharë.

Je ber (b)analist
Je bërë dhe poet,
Harron kush ke qen
Te duket vehtja mbret.

Tash ke nderruar gëzofin
- je bërë patriot,
Veq ti ke të drejt
Mendja ty ta thotë.

Shpejt do t'griset gēzofi
Se s'qendron gjithë jetën,
Kot ,s'i gënjen tjerët
- E gënjenë veq vehtën!!!

Antaly,24.09.'17


 JETA NDËRTON SHKALLË...

Dje kishe mundësi
Te ma zgjatje dorën,
Kur me lis në shpinë
- Mezi qaja borën.

Pak te dukej ajo
Me doje te ngrirê,
Por që do se jeta
S'plotëson çdo deshirë.

Ah jeta...
Kësaj i qofshim falë,
Me perpjetëza e tatpjeta
- Ajo mbaron shkallë.

Tash që ke renë poshtë
- Të është ndalë rrota,
çdo gjë t'duket mbrapsht
Mbrapshtë t'sillët dhe bota.

Por unë s'jam si ti
Më dhimbsesh si je katandisë,
Se nuk është e lehtë
Më ra prej lartësisë.

Ate që thotë zemra
Ma thotë edhe goja,
Unë do ta zgjas dorën
- Kur te jetë nevoja!!!

Antaly 22.09.'17